كنت بقول خلاص هرتاح اتارى الحزن مستنى ليه دقت المفتاح
اه من فراقك ليه يابا كنت قاعد مستنى لحظه الوداع
اتاريها صعبه لابعد الحدود الى ما لا نهايه
كنت معذبنى ومغلبنى فى كل الاوقات
بس عمرى ما تعذبت العذاب الى انا فيه دلوقتى من غيرك
وعرفت الدنيا على حقيقتها دنيا غداره دنيا كدابه لازم يكون لك فيها سلطه ونفوذ
وانت الى كنت ساترنى يابا
انا تعبان من غيرك الفراق صعب لكن الدنيا اصعب
لحظات البكاء وانت موجود اهون عليه من لحظات البكاء وانت غائب عنى
انا مفتقدك جدا ربنا يصبرنى على فراقك يا اعز الاحباب
فعلا حسيت بقيمه الاب من غيرك
يعنى ايه تربيه يعنى ايه شده على الابناء فى اوقات الغلط
انا اسف على اى لحظه كنت بفكر فيها غلط
واسف على كل شىء غلط عملته فى وجودك يابا
لكن فى نهايه المطاف مش قادر اتاسف ليك وجه بوجه
بس اهم حاجه تكون مسامحنى يابا انا فعلا ندمان من غيرك
لكن هو ده القدر
الى مكتوب على الجبين لازم تشوفه العين
يارب صبرنى على الى انا فيه
تأه بلا عنوان
الرئيسية 
